Kirana dukan ka hisab kitab kaise kare (Daily khata aur stock guide)

Kirana dukan par subah se shaam tak sainkdon chhote-bade saude hote hain — ₹5 ka biscuit se lekar ₹2000 ka rashan tak. Agar hisab kitab theek se na rakha jaye to dukan me bikri khoob hoti hai par mahine ke aakhri me galla khali rehta hai. Yahan daily hisab kitab ke 4 sunahre niyam hain.

1. Subah dukan kholte hi Opening Cash (Galla) ginna

Roz subah dukan badhate samay galle me kitna change (khulla rupaya) hai, use note karein. Yeh aapka Opening Balance hai jise din bhar ki nayi bikri me nahi jodna chahiye.

2. Udhar aur Nakad ko ek hi jagah darj karna

1. Paper diary ki sabse badi dikkat yeh hoti hai ki saman shelf se gayab ho jata hai aur parchi dairy ke kisi panne par kho jati hai.
2. Karobari me jab aap bill banate hain to Payment sheet par 'Udhaar' select karein. Isse do kaam ek sath hote hain: 1) Saman stock se kam ho jata hai, aur 2) Grahak ke udhar khate me date aur time ke sath jod jata hai.
3. Grahak ko naya udhar dene se pehle screen par hi uska purana baki balance dikh jata hai, jisse bad debts (mara hua paisa) rukta hai.

3. Shaam ko Galla Tally (Cash vs UPI tally) karna

Shaam ko dukan badhane se pehle 'Today' screen kholiye. Vahan teen cheezein alag-alag dikhti hain: Nakad Bikri, UPI Bikri, aur Udhar Bikri. Galle me rakhe nakad rupaye ko app ke Nakad Total se milayein. Dono barabar aana chahiye.

4. Stock Shortage aur Expired item bachana

1. Packet items par expiry date batch ke sath dalein taaki jo pehle aaya hai wo pehle bike.
2. Chori ya nuksan se bachne ke liye hafte me ek shelf ki physical counting karein aur app ke stock se milayein.